முள்ளிவாய்க்கால் கஞ்சி

2009 ஆம் ஆண்டு மே மாதம் முள்ளிவாய்க்காலில் இலங்கை அரசால் அறிவிக்கப்பட்ட பாதுகாப்பு வலயத்தில் (“No Fire Zone”) கஞ்சி மட்டுமே கிடைக்கப்பெற்றது. அன்று இருந்த மருத்துவ, உணவு மற்றும் பொருளாதாரக் கட்டுப்பாடுகளில், கிடைத்தால், சிறிதளவு உப்புப் போட்டு அவித்த சோறுடன் சோற்றுத் தண்ணீர் மட்டுமே பட்டினியால் வாடிய மக்களுக்கு உயிர்நாடியாக இருந்தது. கஞ்சி என்பது ஒரு வகை அரிசிக் கூழ் ஆகும். கஞ்சி எனும் தமிழ் சொல்லின் பொருள் “அரிசி நீர், அரிசி ஊற்றப்பட்ட தண்ணீர், மாவுச்சத்து”. (T. Burrow, 1984). கஞ்சி (kanji, kañci) எனும் தமிழ் சொல்லின் வழித்தோன்றலே congee எனும் ஆங்கில சொல்லாகும்.

உலக ஊடகங்கள் தனது கண்களையும் வாயையும் மூடிக்கொண்ட நிலையிலும், சர்வதேச மனிதாபிமான அமைப்புகள் முள்ளிவாய்க்காலில் இருந்த தமிழர்களை கைவிட்ட நிலையிலும், பீரங்கி எறிகணை மற்றும் வான்குண்டுத் தாக்குதல் சூழப்பட்ட பாதுகாப்பு வலயத்தில் (“No Fire Zone”) சிக்கிய மக்களுக்கு கஞ்சி மட்டுமே ஒரு நம்பிக்கை ஒளியாக இருந்தது. மே 2009க்குப் பின்னர், கஞ்சி எனும் உணவுப் பண்பாடு முள்ளிவாய்க்கால் தமிழ் இனவழிப்பில் உயிர் பிழைப்புக்கான அடையாள உணவாக மாறியுள்ளது. இதனை இன்று தாயகம் வாழ் தமிழ் மக்களும் உலக நாடுகள் எங்கும் வாழும் தமிழ் மக்களும் முள்ளிவாய்க்கால் கஞ்சி என்ற பெயரின் முள்ளிவாய்க்கால் வாரத்தில் தயாரித்து, பரிமாறி நினைவு கூறுகின்றனர்.

“5 கப் தண்ணீரை கொதிக்க வைக்கவும்,
அதில் 200 கிராம் சிவப்பு அரிசி சேர்க்கவும்,
தேவையான அளவு உப்பு சேர்த்து,
மேலும் நம்பிக்கையைச் சேர்க்கவும்.” (congeeofhope.org)

உயிர் இழந்தவர்களை நினைவு கூர்ந்து, உயிர் பிழைத்தவர்களுக்கு ஆறுதலாவோம்.
முள்ளிவாய்க்கால் வாரம் மே 12 முதல் 18 வரை.

---

Reference

Congee of hope. (2021). Congee கஞ்சி just add hope. Retrieved from https://www.congeeofhope.org/
T. Burrow, M. B. E. (1894). A Dravidian Etymological Dictionary(2 ed.). Retrieved from https://archive.org/details/DravidianEtymologicalDictionary_201811

---